الشيشبارك بصوص البندورة...اطيب من هيك ما في

الشيشبارك بصوص البندورة…اطيب من هيك ما في

إذا مفكرين الشيشبرك صعبة …فأنتو غلطانين!

Shofta

تعو نشوف قديش سهلة!

هذه الوصفة تكفي ٣ أشخاص…تقريبا بس إذا حدا اكيل ما بتكفي غير شخص واحد..

العجينة:

المقادير
١- كوبان من الطحين.
٢-كوب من الماء.
٣-ملح حسب الرغبة

طريقة التحضير:

١- تخلط مكونات العجينة باليد أو بالملعقة حتى تمتزج بشكل تام… وتترك نصف ساعة للراحة.

Shofta

٢- يوضع الطحين على سطح أملس. ويتم فرد العجينة بالشوبك بشكل متساوٍ. يعني موشي طالع شي نازل

Shofta

إذا كانت العجينة سميكة جدا فلن تستوي, واذا كانت رقيقة جدا فستتشقق. لا تطخو ولا تكسر مخو!! سمك العجينة ٣مم.

٣- يستخدم فنجان صغير لتقطيع العجين الى دوائر متساوية الشكل. فنجان أو كاسة او صحن صغير.

Shofta

الحشوة:

المقادير
١- زيت زيتون.
٢-كوب من البصل
٣-٤٠٠ غرام لحمة ناعمة.
٤-ملح.
٥-فلفل أسود.
٦-هال مطحون.
٧-كمون.
٨-قرفة.
٩-جوزة الطيب.

يقلب البصل واللحمة حتى الاستواء ثم تضاف البهارات

Shofta

طريقة تحضير الشيشبرك:

توضع دوائر العجين فى اليد ثم نضع القليل من الحشوة. يعني كتييير سهلة الفكرة.

Shofta

تغلق أطراف الدائرة بإحكام. يمكن أن تترك بهذا الشكل “الهلال” او تغلق جوانب الهلال. انا بس اتعب ببطل سكر من على جنب

Shofta

يوضع القليل من زيت الزيتون وبضع حبات من البندورة الكرزية. هلا مو شرط بندورة كرزية ممكن شرحات بندورة او حتى بلا بندورة

تضاف حبات الشيشبرك ومن ثم صوص البندورة. صوص البندورة جاهز!! يضاف الماء والملح والفلفل الأسود.

Shofta

تقلب على النار لمدة ١٥ دقيقة. يعني مو ١٥ بالزبط ممكن اقل ممكن اكتر يعني دوق وشوف اذا استوى!

Shofta

تقدم مع البقدونس او الكزبرة….صحة وهنا!

Shofta

Add Comment